majedphotos/video-ad-editor

1️⃣ ثبّت البلقن — مرة وحدة بس (دقيقة)

نفس الطريقة للكل — جوال، كمبيوتر، تطبيق الديسكتوب. ما تحتاج تيرمنال ولا تحمّل ملف. تثبّته مرة من claude.ai ويطلع لك بالويب والديسكتوب والجوال، ويتحدّث بروحه.

1. افتح claude.ai ← اضغط اسمك تحت ← Settings

2. تحت Customize ← Plugins ← Add ← Add marketplace

3. الصق هذا وأضفه:

4. يطلع لك Majed video — أضفه.

5. بعدين Add ← Manage marketplaces ← ⋮ ← شغّل Sync automatically (حتى كل تحديث يوصلك بروحه).

✅ تأكد إنه انضاف: بـPlugins تشوف Majed video بالقائمة. ما طلع؟ أعد الخطوة 3.

2️⃣ افتح محادثة جديدة

من قائمة الموديل جنب زر الإرسال ← Opus 5.5 ← Effort ← Max (أقوى نتيجة).

3️⃣ أرفق الفيديو واكتب جملة

مثلاً: «منتج هذا المقطع» أو «حوّل الفيديو لريل». أول مرة تطلع لك صفحة التعارف (ألوانك وخطك وحركاتك)، وبعدها يطلّع لك الريل. تبي تعديل؟ اكتبه بنفس المحادثة.

📱 من الجوال — بدون لابتوب

نفس الخطوات الثلاث من تطبيق كلود بالجوال: أرفق الفيديو، اكتب طلبك، واقفل الجوال — المونتاج يشتغل بسحابة كلود والريل ينتظرك بنفس المحادثة.

⏱️ السحابة أبطأ من الكمبيوتر (قص الشخص عن الخلفية ≈ 18 دقيقة لفيديو 40 ثانية)، فخلّه يشتغل وارجع له. حد حجم الفيديو المرفق حسب التطبيق.

🧑‍💻 تستخدم الطرفية (تيرمنال) أو تبي تحمّل الملف بيدك؟ طرق التثبيت الثانية تحت.

---

📺 الشرح بالفيديو — على يوتيوب

▶️ افتح الشرح على يوتيوب — 11 فيديو قصير (حوالي نص ساعة): التثبيت، صفحة التعارف، وشلون تطلع أول فيديو، خطوة بخطوة. هذي الصورة فيديو شرح، مو تحميل — التثبيت من الخطوات فوق ↑

---

🎬 داخل البلقن — 6 سكلات، كل وحدة لشغلة

🎥 وضع الونشوت — فيديو كله لقطة وحدة بلا قص

🎨 بنك الحركات — 100 حركة، وكل فيديو له لوحة

🖌️ بنك الستايلات — 17 شكل للفيديو كله

الحركة تقول شلون يتحرك الشي، والستايل يقول شلون يبين الفيديو كله: الخلفية والملمس والخط والكروت. ورق مقصوص وانت ستيكر بحد أبيض، وثائقي بحبيبات فلم وآلة كاتبة وختم، شرح صحفي بقلم تحديد وخيط أحمر، كينوت نظيف بكلمة وحدة ورا راسك… كل فيديو كلود يختار له ستايل يناسب معناه — أو يدمج ستايلين، أو ياخذ منه جزء ويخترع الباقي من جملتك. لغة مو قالب.

🖼️ كفر وثمبنيل ينقرون بالجوال

✂️ امسح من الكلام — ينقص من الفيديو

بعد التفريغ يطبع لك كلامك جملة جملة. تقول له «شيل 5 و8» — ويقصهم من الفيديو والصوت، والكابشن يمشي معاه. غيّرت رايك؟ «رجّعها». ويكشف بروحه الجمل اللي قلتها مرتين.

🧭 يتعرّف على ذوقك — أول مرة بس

صفحة صغيرة تختار فيها ألوانك، الخط، ستايل الكابشن، الإيقاع، والصوت — أو تكتب اللي تبيه وتخطّاها. كل فيديو بعدها يمشي على ذوقك.

🎚️ تايملاين تعدّل عليه — من الكمبيوتر أو الجوال

كلود يسوي المونتاج، وانت تعدّل بإيدك: تقص، تغيّر ستايل الكابشن، تحط مؤثر على كلمة، ترفع بي-رول من جوالك — وكل تعديل ما يصرف توكنز. تبي تحكم كامل بكل فريم؟ «افتحه بريموشن»:

كاب كت — المونتاج كله مشروع تعدّله بيدك

قل «سوّه بكاب كت» — بدل ملف فيديو جاهز، كلود يكتب لك مشروع كاب كت كامل: لقطاتك بزوم، الكابشن نصوص كاب كت (تغيّر الكلمة واللون والخط)، صوتك منظّف، المؤثرات كل وحدة لحالها، الخلفية الصوتية، والموشن بألوانك طبقة شفافة فوق. تفتحه وتعدّل أي شي.

شلون يمشي (3 خطوات):

1. افتح كاب كت، سوّ مشروع جديد فاضي وسمّه، وبعدين سكّر كاب كت كامل (Cmd+Q) — لو مفتوح يكتب فوق الشغل.
2. قل لكلود «سوّه بكاب كت» وعطه الفيديو. يعرض عليك لقطات الموشن قبل ما يكمّل.
3. يقول لك «خلصت» ← افتح كاب كت وادخل المشروع، كل شي فيه تقدر تعدّله.

يشتغل من كلود على الكمبيوتر (تطبيق الديسكتوب أو Claude Code) لأنه يكتب ملفات المشروع بجهازك — مو من الجوال. وتحتاج كاب كت ديسكتوب (ماك أو ويندوز)، مو تطبيق الجوال.

كاب كت علامة تجارية لشركة بايت دانس — البلقن ما له علاقة رسمية فيها، ويحتاج تطبيق كاب كت ديسكتوب عندك.

🔌 استخدم اللي عندك

عندك اشتراك بمنصة توليد (fal · Higgsfield · ElevenLabs · أو غيرها) وكونكتورها مركّب بكلود؟ قل له يستخدمها — يولّد منها البي-رول أو الصوت أو المشاهد ويركّبها بالمونتاج. ما عندك؟ يشتغل عادي بدونها.

🗣️ قل له

🔧 المتطلبات

البلقن ينزّلها بنفسه بعد إذنك: ffmpeg (القص والصوت) · Whisper (التفريغ بتوقيت الكلمة) · Chrome (الرسم). ماك وويندوز. وضع دافنشي يحتاج دافنشي ريزولف ستوديو 21.1 أو أحدث — من موقع بلاك ماجك، مو من آب ستور (ما فيها البرمجة).

🔒 الخصوصية

على الكمبيوتر كل شي على جهازك — فيديوك ما يرتفع لأي سيرفر. من الجوال، الفيديو يروح لسحابة كلود بحسابك (هي اللي تمنتجه). الاستثناءات اختيارية وتشغّلها أنت (المشاهد المولّدة بالذكاء الاصطناعي).

🎓 البلقن مجاني — الدورة تعلّمك شلون تسوي مثله وأكثر

كل اللي فوق انبنى بكلود. بالدورة تتعلم شلون تبني أدواتك انت: سكلات، أتمتة، ومحتوى يشتغل لك — من الصفر وبالعربي.

🧰 طرق تثبيت ثانية — للمتقدمين

معظم الناس يكفيهم ابدأ هنا. هذي لو تستخدم الطرفية أو تبي ملف البلقن بيدك.

البلقن = 5 سكلات بحزمة وحدة (ريل · موشن · بودكاست · مونتاج · كفر وثمبنيل). ودافنشي إضافة منفصلة لمن عنده دافنشي ريزولف ستوديو.

☝️ اختر طريقة وحدة بس — لو ثبّتّه بأكثر من طريقة يصير عندك نسخ مكررة من نفس السكلات. عندك أكثر من وحدة؟ شيل النسخ الزايدة من Customize ← Plugins.

🏷️ اسمين لا تتلخبط فيهم: المتجر الموحد majedphotos/majed-plugins (نفسه بـclaude.ai والتيرمنال) · اسم البلقن majed-video. أمر الإضافة ياخذ اسم المستودع (majedphotos/majed-plugins)، وأمر التنصيب ياخذ البلقن@المتجر (majed-video@majed-plugins).

حمّل الملف وارفعه

1. حمّل البلقن (ملف majed-video.plugin)
2. افتح تطبيق كلود ← Customize ← Plugins ← Upload plugin ← اختر الملف

⚠️ هالطريقة ما تتحدّث بروحها — كل نسخة جديدة حمّلها وارفعها من جديد.

من الطرفية (تيرمنال)

تحتاج Claude Code منصّب. افتح الطرفية (تيرمنال) — Terminal بالماك أو PowerShell بالويندوز (مو تبويب Code بتطبيق الديسكتوب) — واكتب claude --version. طلع لك رقم نسخة؟ كمّل. طلع command not found: claude؟ Claude Code مو عندك — استخدم ابدأ هنا، ما تحتاج شي ثاني.

الصق الأوامر واحد واحد (الأمر ← Enter ← انتظر):

• تحقق بعد الأمر الأول: الأمر الثاني (marketplace list) لازم يظهر فيه majed-plugins. ما ظهر؟ شغّل الأمر الأول مرة ثانية (لو الاتصال تقطّع)، وبعدها ارجع للقائمة.
• طلع لك Failed to add marketplace … extraKnownMarketplaces؟ لا تكمّل على أساس إنه «مضاف من قبل». شغّل claude plugin marketplace list — لو majed-plugins ما يظهر، المتجر ناقص فعلاً: أعد الأمر الأول.
• أعد تشغيل claude بعد التثبيت، وإلا ما تظهر السكلات بالجلسة.
• ركّبته قبل من المتجر القديم (majedphotos/video-ad-editor)؟ شيله حتى ما يتكرر البلقن: claude plugin marketplace remove majed-video — المتجر الموحد majed-plugins فيه نفس البلقن + مصنع المحتوى، ونفس المتجر اللي بـclaude.ai.

بعدها شغّل التحديث التلقائي: بالطرفية (تيرمنال) العادية اكتب claude ← Enter، وبعدين:

ℹ️ أمر /plugin تفاعلي ويشتغل بالطرفية (تيرمنال) العادية بس — ما يشتغل داخل تطبيق الديسكتوب (تبويب Code). وخطوة «Enable auto-update» تظهر فقط لو marketplace list فيه majed-plugins.

🔁 تبي آخر نسخة الحين؟ بالطرفية (تيرمنال): claude plugin update majed-video@majed-plugins

🧹 منصّب النسخة القديمة كسكل (ملف .skill)؟ شيلها حتى ما تتكرر — البلقن فيه كل شي.

📦 تبي سكل الريل بروحه؟ نزّل video-ad-editor.skill ← دبل كليك ← وافق. (سكل وحدة بكل الأوضاع، بس ما فيها باقي سكلات البلقن)

🤖 كودكس وأي وكيل يشغّل أوامر: يقرأ SKILL.md ومجلد references/ كتعليمات ويشغّل نفس السكربتات (any-environment.md) — غير مجرَّب بعد على كودكس نفسه.

🎬 فيديو كامل منتجه البلقن:

https://github.com/user-attachments/assets/1047c4e8-141c-4f45-b601-c58d1353fe4c

🎬 دافنشي — إضافة منفصلة

عندك دافنشي ريزولف ستوديو؟ نصّب الإضافة majed-davinci — نفس العقل، والمخرج تايملاين تعدّل عليه بإيدك:

/plugin install majed-davinci@majed-plugins

📜 سجل الإصدارات

💬 كلمة بآخر الريل ← رابط بالخاص (اختياري)

ريلات الحلقة تنتهي بـ«اكتب [كلمة] توصلك الحلقة كاملة». عشان الرد يصير تلقائي: زورجا — الأوتوميشن مجاني، والتحكم فيه من كلود (MCP) باشتراك. كود MAJED (كود شراكة) يعطيك 15% على الخطة الربع سنوية و30% على السنوية. التفاصيل: keyword-automation.md.

🛠️ للمطوّرين

خريطة كل السكربتات والملفات: references/script-map.md · التعليمات: SKILL.md · السكلات الثانية: motion-video · podcast-video · montage-video · thumbnail-video · davinci-video

الرخصة

MIT — استخدمه وعدّله ووزّعه بحرية.